Het so bietjie gedut en het weer le en dink watter stryd vir my voorle. Ek dink nie 'n mens besef wat dit kos om verslawing te breek nie. Ons almal dink aan drugs en alkohol as ons aan verslawing dink. Sigarette en eet is nog so te se aanvaarbaar. Wel, sigarette kry deesdae baie opdraande, maar meer as 'n lewensstyl as 'n AAA geval. Dit is 'n meer polities korekte gebaar as om vir drugs opgeneem te word.
Daar is nie regtig 'n groot verskil nie. Of jy nou jou liggaam aftakel deur die gebruik van kokaiene of die gebruik van suiker, skade doen jy. Weet jy dat die chemiese samestelling van kokaiene en suiker nie veel verskil nie?
Niemand praat regtig baie oor iemand wat vet geword het nie. Dis is gewoontlik net in die gang van 'n gesprek. Iets soos, ek het nou die dag vir so en so gesien, en heng, hy het darem nou vir hom laat gaan. Die ander sal dalk ook 'n aanmerking maak en dan sal die gesprek verder vorder. Dit sal nie 'n sagte agter die hand aanmerking wees nie, tensy die persoon in die geselskap is. As iemand aan alkohol of dwelms verslaaf is, sal dit 'n meer bedeesde sagte ater die hand gesprek wees.0.0.50/
Ek is nou 32 en kan regtig nie outhou wanneer ek laas 2 dae in 'n ry goed gevoel het nie. Gewoontlik wanneer jy 'n 2de dag kry wat die energie nie te sleg is nie, verwar jy dit met 'n tekort aan vriende en kuier en steak. As mens goed voel het jy mos lus om mense te sien, om mense te onthaal en self so bietjie oor boort te gaan. Daardie goedvoel energie bly mos by jou totdat jy die aand gaan slaap. Dan het jy 'n half bottel brandy agter die blad, saam met 'n lekker steak en chips en 'n bottel rooiwyn wat jy op dit gegooi het.
More wil jy net weer le, wat dan is jy weer so moeg omdat jou liggaam weer moet sukkel om al die goed skoon te maak en te verwerk terwyl jy soos Sid “the sloth” voor die tv le en nog suiker en vet jou liggaam indwing in die vorm van 'n pizza en 'n bottel Fanta, omdat jy nie goed voel nie. More kan jou vrou nie verstaan hoekom jy nie krag het om die gras te sny nie, al wat jy dan doen is om die heeldag net te le. Jy het net geen energie.
Ek het vroer gepraat van die 3 day hump om oor verslawing te kom. Ek dink ook daar is 'n 3 day hump wanneer jy weer begin goed voel. Dit beteken dan eintlik dat die hump nou uit 6 dae bestaan. Die eerste drie dae van hel waar jy nog erg met die verslawing baklei, en dan daardie tweede 3 dae van beter voel om dit te bewaar en nie te indulge in ander dinge nie. Dit help nie 'n mens skuif net die verslawing rond nie. Dit baat jou niks om van nikotien te genees en dan te val vir suiker en vet nie. Tensy jy jou liggaam stelselmatig wil aftakel totdat daar niks meer oor is wat werk nie.
Soos ons almal weet tel die meeste mense gewig op sodra hulle ophou rook. Is dit regtig rook wat ons eetlus so onderdruk? Ek dink nie so nie. Rook is in my opienie grotendeels 'n gewoonte wat gebreek moet word. Toets maar jouself. Daardie aande wat jy in die middel van nerens sit en jy besef dat jy nou net 4 sigarette oor het tot die einde van die aand. In sulke staduims kon ek myself ration om langer uit te hou sonder om te rook. Dit is gewoontlik net daardie eerste 1 tot 2 minute wat jy lus het om te rook wat jy moet oorbrug. Daarna kan jy weer uithou vir 'n lang tyd. Jy is net lus vir die rook en blaas en speel met die sigaret.
Dus glo ek wanneer jy ophou rook en gewig optel is dit nie omdat jy nou meer honger is nie. Ek glo nie dat jou eetlus vergroot nie. Jy is net pleinweg verveeld my jou hande. Hoekom dink julle tik al die goed. Dit hou my besig. So, vervang dan een verslawing met 'n ander. Face it, ons “mear mortals” wat rook en drink, wel, dit is ons verslawing en ons tyd verdryf. Wat de hel doen jy nou op 'n Vrydagaand as jy nie kan drink of rook nie. Hel, die Series Channel kan net goed wees tot op 'n punt.
Vir ons wat rook en drink, is rook en drink ons stokpertjie. Ander gaan fliek twee of 3 maal per week.
Ons kuier twee of 3 maal per week. Ander gaan kamp en vang vis. Ons slaan wel die kamp op, en dan drink ons. Hoe lekker kan 'n naweek nou wees met Fanta grape en Coke lite en visvang. Dit beteken nie dat die manne wat visvang nie drink nie, ja hulle almal vat maar lekker wyn by en weg van die viswater. Die verskil is net, drink en rook is hul tweede stokpertjie. Eerstens gaan hulle die naweek visvang, die rook en drink is maar net deel daarvan. Die ander van ons, gaan om die naweek te drink. Die rondry en bietjie hier kyk en daar kyk is ook maar net deel van die kuier.
Dus kom ek tot die slotsom. Om van een verslawing ontslae te raak, moet jy vir jou 'n ander een kry. Dit is in my opienie, dood eenvoudig. Ons mensdom is verslaaf. Ons almal is. Niemand word oorgeslaan nie. Tot die laaste een op hierdie aarde is verlsaaf. Daar het ek dit nou gese. Jy is nie alleen nie, ons almal sit in dieselfde bootjie!!!
| < Prev | Next > |
|---|
